Weather report

Mutindog ko sa hawan nga lugar,
sa tunga sa dalan,
sa basketbolan,
sa kasagbutan
ug hulaton ko
ang paglabay sa hangin.

Bantayan nako kung asa
kini padulong:
asa muki-ay ang mga sanga;
asa musayaw ang mga dahon,
papel-papel ug plastic
nga nangatagak.

Dayon inig abot
sa hoyohoy,
magpagaan ko,
pasagdan nako
nga mapalid ko
para madala
ngadto sa lain-lain
nga mga dapit,
lapas pa sa syudad
ug sa mga lugar
nga akong naadtuan.

Ug imong masundan
sa Twitter account sa PAG-ASA
kung asa nako dapita:
Ala una sa hapon,
sa kasadpan sa Cagayan de Oro.
Alas dos,
sa habagatan sa Tagbilaran
Alas kwatro y media,
sa Siquijor.
Alas singko,
sa habagatang-sidlakan sa Dumaguete.
Alas nuebe,
sa habagatang-kasadpan sa Iloilo.
Ugma, ngadto na sa Palawan,
ug ugmang gabii,
mubiya na sa Pinas.

Kung dili na nimo mabalitaan
ang akong lokasyon,
sa kana nga panahon,
siguro ang bagyo
nga akong gisakyan, nikutat na
ug ako, nialibwag
kuyog sa hangin.

Busa, kung hangin ang adlaw,
adto sa hawan nga lugar,
sa tunga sa dalan,
sa basketbolan,
sa kasagbutan
ug hulata
ang akong pagbalik.

Advertisements

One comment

  1. weblink · December 28, 2014

    Awesome Site, Maintain the great job. Appreciate it.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s